ازيكم ياجماعة النهاردة كتبتلكم توبك جامد
عن قواعد المرور تصوروا ان احنا بقلنا سنين بنسوق غلط
احنا اضحك علينا ياجماعة كنا فاكرين ان الكلام
الى قالوهولنا هو الصح انما الصح طلع حاجه تانية خالص
وهقولكم على بعض من القواعد الجديدة
الى لازم نمشى عليها
1 - اولا عند الانعطاف يمينا او يسارا
اوعى تعطى اشارة عشان الى
وراك ميخودش بالة وتبين نوياك للاعداء
2 - لو حد عداك اوعى تسيبة مهما كلفك
من ارواح بيستهبل دة ولا اية ازاى يعديك
3 - متسيبش مسافة بينك وبين الى قدامك
يعنى خليك لازق فيه احسن
لان لو سيت مسافة اكيد واحد تانى
هيطمع ويقوم داخل قدامك
وبكدة تبقى انت اتاخرت عربية ورا
4 - دايما اوعى تشيل ايدك من على الكلاكس
طول منتى ماشى لازم تزمر عملا بالحكمة الشهيرة
انا ازمر اذا انا موجود (واكيد دة برضة هيقلل الحوادث)
5 - متبوصش فى المراية وانت سايق
المرايات مش معمولة لكدة
(دى لزوم المدام لما تحب تعدل مكياجها وبس )
الى وراك هو الى يحاسب ولو خبطك يبقى
هو الغلطان على طول هو دة القانون
6 - دايما امشى على اقل من مهلك
وفى وسط الشارع ولا يهمك وخلى هدفك
فى الحياة ان تصل متاخرا خير من ان لاتصل ابدا
7 - لو لقيت بنت او واحدة ست سايقة جنبك افضل دايما
اضرب كلاكسات وقلب نور واديها اشارت
يمين على شمال باختصار اروشها لحد
ماتخيش وساعتها تبقى نجحت فى التحدى
(مايقعدوا فى بيوتهم احسن)
8 - لو انت واقف فى اشارة شوف اى حد جنبك
وافضل بصلة قوى لحد ميقولك فى حاجة
تقوم قايلة اصل بشبة على العربية
كان عندى واحدة زيها وولعت
وشوف وشة هيبقى عامل اازاى
9 - لو لقيت حد بيشورلك عشان عربيتة
عطلت فقدامك حلين لو واحدة حلوة مفيش
مانع تنزل تساعدها وبعدين تكملوا تعارف فى اى كافية
لو واحد طبعا هتعمل مش شايفة ويمكن تدوسة كمان
اوعدكم بعد ماتعملوا التعليمات الجديدة
دى هتوصلوا البيت اسرع اما حتة واحدة
او اكتر دى انا مضمنهاش انت وشطارتك
والى اللقاء فى درس اخر من دروس الحياة
...........................
السبت نوفمبر 28, 2009 11:18 pm
