منتديات شباب51 للافلام النادرة والممنوعة من العرض

منتديات شباب51 للافلام النادرة والممنوعة من العرض
 
الرئيسيةمكتبة الصورس .و .جبحـثالتسجيلدخول
مطلوب مشرفين في قسم الافلام الممنوعة من العرض والرضاعة الطبيعية

شاطر | 
 

 لا مش عــــــــــــــــادى

اذهب الى الأسفل 
كاتب الموضوعرسالة
Shams
عضو متألق
عضو متألق
avatar

انثى
العذراء
المشاركات : 552
تاريخ الميلاد 25/08/1991
العمر : 27
student
20
عدد النقاط : 1606
سجل في يوم : 06/09/2009

مُساهمةموضوع: لا مش عــــــــــــــــادى   الجمعة فبراير 19, 2010 7:02 pm


ليه كل حاجة مش عادى بقت عادى !!
ليه يا شباب ليه يا بنات !!
ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!

ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا
يبقى عااادى مع انه مش عااادى !!

ليه لما اكون فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها
واللى لابسة ضيق هيفرقع ولا حتى لا بسه حجاب على الموضة وابص .... يبقى عاادى مع انه مش عااادى !!

ليه لما اروح مكان هادى والاقى ولد بنت ماسكين فى ايد بعضه وعمالين بيحبوا فى بعض يبقى عااادى مع انه مش عااادى !!

ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى
مع انه مش عااادى !!

ليه لما الاقى بنت قاعدة على كافيه وبتشرب شيشة وابصلها واقول عااادى وهو مش عااادى ابدااااا !!!

ليه لما الاقى اب وام ماشين فى الشارع ومعاهم بناتهم لابسين لبس فاضح يكسف ........... يااااه عادى جدا
وهو مش عاادى خاااااالص !!

ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى
ابدا !!!

ليه لو اتعزمت فى فرح ولقيت العروسة بعد ما كانت محجبة قلعت حجابها أو محجبة وبترقص بحجابها وتقولها ليه؟ تقولك
عادى ما هى ليلة العمر وهو مش عادى !!

ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولوا عادى فرح بقى
وهو مش عااادى !!

ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى
ابدا فين النخوة والرجولة !!

ليه لما الاقى اب ولا ام هيموتوا من الحسرة لان اولادهم رموهم فى دار مسنين يقولوا عااادى اصل ولادهم مشغولين وده
مش عاادى ابدا؟؟

ليه لما نسمع القرآن الاقي الناس عمالة ترغي ومش بتنصت ليه مع انه كلام ربنا تفتكروا انه عادي
لالالالالالا مش عادي خالص

ليه كل ما افتح برنامج الاقيهم بيكرموا مغني او ممثل ويعمله منه نجم في حين ان ناس كتير بتتعب وتخلص في اعمالها
ومحدش يعرف عنها حاجة .... هل ده شئ عادي لالالالالالالالالا مش عادي

وليه وليه وليه

لو هفضل اتكلم من هنا لبكرة مش هخلص من كلمة
عــــــــــــــــادى
يا ترى يا جماعة هو فعلا عاااادى !! عادى التبرج عادى السفور عادى الغيبة والنميمة والكذب عااادى عاادى سماع
الاغانى عاادى اللبس الضيق عاادى الحب داخل الجامعات وفى الطرقات وخارجها !!

عــــــــــــــــــــــــــــــــــــــــــــــادى
يا نااااااااااااااااااااااااااااااااااااااااااااس


طيب اززاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم

هو ده اللى اتربينا عليه هو ده الاسلام والدين !!

طيب هو ليه اللى مش عادى بقى عاادى واللى عااادى بقى مش عادى

يعنى الملتحى الناس بتبصلهم بغرابة والشاب الفانكى الروش الناس شايفه انه عادى

يعنى المنتقبة الملتزمة بقت متخلفة ورجعية والبنت المتبرجة بقى ده الطبيعى

يعنى اللى بيتفرج على قنوات دينية بقى متشدد وناشف واللى بيتفرج على مسلسلات وافلام بقى روش واون لاين

يعنى اللى ماشى مشغل الاغانى بصوت يخرم الودان هو ده اللى عايش حياته اما اللى مشغل قران فى عربيته بيزعج اللى
حواليه ومبيعملش حسابهم

يعنى ....................

لا حول ولا قوة الا بالله

المفروض يعنى هو ده اللى يحصل
المفروض ده اللى بقى عااادى
ازاى يعنى
الدنيا بقت ماشية بالمشقلب
الصح بقى غلط والغلط بقى صح
!!!!!!!!!!!
ياريت نصحح المفاهيم ونظبط علاقتنا ونتعلم ديننا ونطبق سنة حبيبنا ونمشى على الصراط المستقيم علشان نوصل لجنتنا

==

مش هقلع طرحتي يوم فرحي عشان ليلة العمر... لا مش عادي
مش هرقص في فرح بنت خالي عشان صلة الرحم... لا مش عادي
مش هحكي لزميلي في الشغل مشاكلي العائلية.. لا مش عادي
وكفايا بقى كلمة عادي.. لاننا متخلقناش عادي
ولا هنقف نقول يارب... اصله كان عادي
!!

عادي كل البنات مصاحبين.. وانا يلا اصاحب.. لا مش عادي
عادي كلهم مسافرين...وانا يلا اسافر.. لا مش عادي
عادي تقصير الجوب على البووت.. عشان ابقى على الموضة.. لا مش عادي
عادي البطلون ابو وسط ساقط ... عشان ابقى روش... لا مش عادي
عادي اركب عربية زميلي.. مهو زي اخويا... لا مش عادي
وعادي ابن عمي يبعت لي رسايل تهريج.. اصله زي اخويا.. لا مش عادي
وعادي اكدب على أهلي ..مهي كدبة بيضا... لا مش عادي
عادي اروح شغلي متاخر وازور امضتي..مهو كله عادي.. لا مش عادي
عادى اكون محجبة واقف انشر الغسيل من غير حجاب مانا فى بيتى .. لا مش عادى
عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك..عادي محنا بالحجاب -لا مش عادي
عادي نحط صور اتنين بيحضنوا بعض .. مهي مش صورتنا لا مش عادي
عادي نتعرف على بعض ونشات مع بعض .. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية. محدش هيعمل لي حاجه.لا مش عادي

الرجوع الى أعلى الصفحة اذهب الى الأسفل
star times
šŧдя Ŧΐмэš
šŧдя Ŧΐмэš
avatar

ذكر
العذراء
المشاركات : 6828
تاريخ الميلاد 01/09/1990
العمر : 28
WWW.ShAbAb51.Yoo7.COM
طالب
16
عدد النقاط : 18929
سجل في يوم : 13/11/2008


شًِْـِِّغًـِِّآل شًِْـِِّغًـِِّل عًٍـِِّآلـِِّيَ آوٍيَ:
100/100  (100/100)

مُساهمةموضوع: رد: لا مش عــــــــــــــــادى   الخميس فبراير 25, 2010 12:21 am

مشكوووووووووووووووووووووووووور
على التوبيك

جزاكى الله خيراا
مشكووووووووووووووووووووور ليكى


كل ثانيهـ بعشها جنبكـ دنيا تانيهـ معشتهاش

فى غرامـ و حاجات فى قلبكـ صعب انى محسهاش


خلتنى ادوب سنين واعرف ايهـ معنى الحنين


من غير قلبكـ قولى مين هيطمنى يا عمرى انا


خلينى قصاد عنيكـ خلى عنيا تحس بيكـ


كل سنينى هعشها ليكـ مانت حياتى و عمرى انا


-=-=-=-=-=-=-=-


الرجوع الى أعلى الصفحة اذهب الى الأسفل
http://WWW.ShAbAb51.Yoo7.COM
 
لا مش عــــــــــــــــادى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب51 للافلام النادرة والممنوعة من العرض :: المنتدى الإسلامي-
انتقل الى: