بصراحه
انا قولت تهيس لأن كلماتها تخرج من لسان مواطن قاعد بالليل يحسب مهيته اللى خلصت منه يوم 10 ف الشهر وناوى يقضى باقى الشهر سلف
وكالعاده بيتكلم بصوت ضعيـــف اوى خايف للحيطان تسمعه
تهيس
الوعى راح . ومجاش
والشعب فـ ال-أن-عاش
مجروح من الأوباش
واللى ميتسماش
فتحو عليه النار
وولعو الأسعار
الشعب راح بلاش
نقلوه على ال-ان-عاش
وهناك
كتب الطبيب تشخيص
عن ازمة فـ التخصيص
وبلدنا لما يكون
الجهل فيها رئيس
وفطيس
يروح الشعب فيها
ويشيلوه بلويها
علشان حاميه حراميها
واخدنها بالتوريث
متاعيس
جابو لبلادنا عريس
وشبكته التفليس
ومهما رفضو الناس
هيبقى هو رئيس
تهيس
الفيلم كان كواليس
ودورى كان شيال
للحلم والكوابيس
تهيس
الخميس مارس 04, 2010 1:17 pm
