موضوع: انواع البنات الثلاثاء أبريل 28, 2009 12:38 am
اولا احب ارحب بيكم و اعتزر عن عدم تواجدي ف المنتدي لاسباب خارجه عن ارادتي و انهارده يا جماعه هنتكلم عن انواع البنات و ايه نظامهم و بيعملوا ايه و كده و يلا نبدأ مع بعض
اللبيسه او بعنى اخر اللي بايعه حياتها بعلبة ميك اب تروح تحط لك الميك آب وتلبس الحته الي علي الحبل و تبقي فرحانه بشعرها و قاعده تلعب فيه يعني مش هاممها رايحه سوق ..جامعة..زيارة عائلية ...لابسه لابسه لو ان شاء الله تاخذ لفة جنب البيت ____________ _________ _______
الدلوعه الدلع غريزة في البنت .. يعني البنت اذا مش حد دلعها .. تدلع نفسها عادي مش هتفرق معها لكن فيه دلع عن دلع بتفرق الدلع الطبيعي..ياما احلاااااااااااااااااه لكن الدلع المصطنع ..وووويييييييييع ع ع ....بقلب المعده..بيبقي نفسك تشوطها إذا جات عاوزه تتكلم ف اي لبخه
____________
الكذابه الكذب عندها ماشي سوقه .. تحكيلك قصه وتعرف انك مارح تصدقها... بس ماعليها من أحد سيارتي وسيارتي وهي حتى الفلاشه مش عندها فلانه عارفه من خطبني فلان الفلاني اصل وفصل وجمال ووووو بس رفضته وااااااي كل ما اروح حته الكل معجب بيا بس انا مش بدي وش ( بتنفص ل كله ) انت ف امك لاقيه عريس
__________
العصبيه فيه نوعية من البنات تعصب بسرررررعة .. وما تخليش حد يهزر معاها ولو تقولها ايه مالك؟رمت عليك أكبرطوبه او كرسي جنبها لو تمر الدبانه عند بؤها ياويلها و يا سواد ليلها <<<راحت فين الدبانه دي ____________
الملسونه الملسونه يعني ام لسانين تقولها كلمه ترد عليك ب 10 يعني تشوف شاب بحااالة .. وتقول : شوفي دا قليل الأدب من الصبح ماشي ورايا.. ..عاوز حد يأدبه.. لازم أهزئه عشان يحرم يمشي ورا وحده في حياته ____________ _________ ________
الثرثاره اووووووووووه النوعية دي تخلي الواحد يصدع يعني تحكي وتحكي ... إذا كنت شاطر سكتها مين بتجيب كل الرغي دا مش عارف .. وأتحدى إن خلتيك تحكي كلمه ____________ _________ ________
المسكينه في بنات مساكين لكن مش كتير كل حاجه عندها طيب اللي انتم عاوزينه ..متعرفش كلمة لا لوحتطها بشبر ميه بتغرق ____________ _________ _________ _
فرفووووووشة يعني تحب الضحك والفرفشة والتعليق .. النكد والغم ماتعرفة ... وتتعب نفسياً اذا قعدت مع ناس دمهم ثقيل وحتى لو كان مش معاها حد يضحك .. تروح تشوف وجها بالمراي وتقعد تعلق على نفسها وتضحك ( مجنونه) ____________ _________ _________ _
المغروورة البنات اللي شايفين نفسهم.. بعض البنات حقهم يشوفوا نفسهم لكن اللي ميحقلهاش .. على ايه شايفة نفسها ... مش عارف مش بتتكلم مع الناش إلا من طرف منخيرها ... ____________ _________ ________
العنيدة في بنات راسهم ياااااااااااااا ( فرده باتا شمال) يعني لو عايزه تعمل حاجه بتعملها و مش مهم الناس (طظ) تنضرب.. تنحبس..أهم شي اللي في دماغها بتعمله ____________
اللحووووووحه دي بقي يا يومك الي مش طلعله شمس دا لما هي تكون عاوزه حاجه و انت مش عايز تديهولها مش جد انما رخامه (ملكش مزاج تديهولها) بتقعد تزن زي الناموسه و انت نايم بليل علي دماغك لحد ما تاخد الي هي عايزاه ____________
الكريمة دي بقي متقولكش علي الحاجه الا بعد ما تجيبها يعني مثلا ( حبيبي ايه رأيك ف الشوز عامل كذا كذا و تشرحله تفاصيل الشوز) يقولها مثلا لا بلاش منه تقوم قيلاله هو ايه دا الي بلاش انا جيبته خلاص و يا سلام بقي لو دخلتوا مثلا مجمع للمحلات تفضيلك المحفظه (اصل عيب الراجل يمشي ب فلوس ف جيبه) و لو معاك الفيزا يبقي اتخرب بيت ابوك يوم الخروجه دي ____________
غيورة البنات كلها بتغير لكن ب نسب متفاوته ( حلوة دي نسب متقاوته) بعض البنات بيغاروا.. بس بيحاولوا يطوروا انفسهم للوصول لنفس مستوى اللي يغارون منهم .. بعض البنات بيغاروا و بيحسدوا و ينموا (اهم حاجه النم دا بالنسبه للبنات ) ____________
المهوووسه دي لو جيبت سيرت المحلات و الشراء و كده و هي نايمه تقوم كأن تعبان قرصها و تقوم تغير هدومها و ف ثانيه تكون سابقاك ف العربيه مش شرط تشتري انما تتفرج ( ايه الرخامه دي ) ____________ الملحووووسه دي بتلاقيها ف المطبخ علي طول و علي طول متتكلمش الا عن الطبخ ( يعني تروح تقولها حبي حياتي و الكلام دا تلاقي شعرها منعكش و ميتشفش و ريحتها طبيخ و بتاع الكلام يقف علي لسانك ميطلعش حتقولها حبيبتي تقولك اللحمه علي النار يا عتريس ) و يا سلام بقي لو رايحه تزور حد يالهووووووي تلاقي كتاب الطبخ ف اديها و هي رايحه طب اخداه معاكي ليه مش عارف ____________ _________ __
أم دمعه دي بقي لو تقولها بخ هتلاقيها بتصوت من كتر العياط
و اتمني ان كل الناس اتبسطت من الرغي الكتير الي فوق دا و علي فكره يا ريت اي حد يخش يقول انهي نوع الي بيفضله انا عن نفسي بحب الفرفوشه علشان مجنونه كده و بعد كده نخلف عيال قرود
موضوع: رد: انواع البنات الإثنين يونيو 15, 2009 4:44 pm
على فكرة ممكن يكون كلامك صح بس مش في كل البنات يعني مش كلهم كده وبعدين الصبيان اكترهم كمان زي البنات وانيل من البنات انتو ما بتشوفوش نفسكم انتو مفكرين نفسكوا ملايكة ولا ايه شوفو نفسكم الاول بعدين تعالى وتشطر على البنات thank you all