المشاركات : 439 01/08/1990العمر : 33 http://shabab51111.yoo7.com طالبه 20عدد النقاط : 525سجل في يوم : 14/10/2009
موضوع: كريمات طبية بوصفات طبيعية الأحد أكتوبر 25, 2009 9:37 pm
... الكريمات الطبية اكثر فاعلية للبشرة...
الموضوع ده هنتكلم عن إزاي ممكن نعمل الكريمات الطبية بطريقة طبيعية في البيت. ..
وعلى فكرة كل حاجة هنعملها هنحتفظ بها في زجاجة صغيرة في الثلاجة ودي طبعاً طريقة اقتصادية هتوفر كثير وفي نفس الوقت طريقة آمنة وصحية..
والمرة دي هتكون معانا "ياسمين أحمد" خبيرة التجميل اللي هتقول لنا على أسرار خاصة جداً في نضارة البشرة ووضع المكياج
كل بنت عاوزة تستخدم كريمات طبية لكن محتارة في الماركات وأسعارها وأنواعها.. إزاي البنت تقدر تعملها في البيت بطرق طبيعية؟!
أولاً: كل الكريمات الطبية هي في الأساس مكونات طبيعية وده سر نجاح مفعولها والحاجات اللي هاقولها هتناسب جميع أنواع البشرة وبمجرد ما نعملها هنحطها في الثلاجة..
الطريقة: هاخلط كل المكونات دي مع بعض وهاحطهم في زجاجة بس لو كان الغسول ده هيستخدم لبشرة دهنية يبقى مش هاضيف إلى المكونات دي اللبن البودرة.
وبالنسبة للتونيك
مكوناته: 90 جرام ماء ورد + 30 جرام زيت لوز + 15 جرام جلسرين (ونصف ليمونة) لو البشرة دهنية..
الطريقة: هاخلط كل المكونات دي مع بعض في زجاجة وعلى فكرة التونيك بيستخدم بعد الماسكات.
بنسمع عن "كريم النهار" و"كريم الليل" إزاي نعملهم في البيت بطرق طبيعية؟!
أولاً: كريم النهار
ده بيستخدم بالنهار بديل عن عازل الشمس وهو عبارة عن (4 ملاعق فازلين على البخار. وطريقة تحضيره: بنجيب حلة ونسخنها ولما يطلع البخار نحط طبق ألومنيوم فوق الحلة ونضع فيه الفازلين وبعد ما يسيح نضيف إليه 2 ملعقة زيت زيتون + 1/2 ليمونة)... وكريم النهار ده بيساعد على ترطيب البشرة وعدم ظهور تكسيرات في الوجه.
ثانيا: كريم الليل
بعد ما أنظّف البشرة بماسك بسيط أو بماء ورد أضع كريم الليل ومكوناته (1/2 كوب شمع عسل من عند العطار وأعمله زي طريقة الفازلين اللي فاتت وبعد كده أضيف عليه 2 ملعقة زيت جوجوبا + 2 ملعقة جنين قمح).. والخليط ده مناسب أكثر مع البشرة الجافة أما البشرة الدهنية هنضع 4 ملاعق فازلين + 2 ملعقة زيت لوز + 2 ملعقة عسل.
هل "كريم العين" مهم فعلا وإمتى البنت تبدأ تحطه؟ !
هو فعلا مهم والبنت لازم تحطه بعد سن العشرين وهو عبارة عن (2 ملعقة فازلين ونسخنها بالبخار زي الطريقة السابقة ونضيف عليها 2 ملعقة جنين القمح + 2 ملعقة زيت اللوز)... وده بيستعمل مرة في اليوم.
إيه هي أحسن حاجة لإخفاء الرءوس السوداء؟!
بياض بيضة نغمس القطنة فيها ونغطي منطقة الأنف وبعد ما تنشف نفركها وده أسهل وأبسط طريقة وبتجيب نتيجة إيجابية.
وكريمات شد الوجه اللي بنسمع عنها وتكون غالية قوي نعملها إزاي؟!
بطريقة سهلة جداً لو عندك فراولة تهرسيها وتحطيها لمدة ربع ساعة على الوجه أو موز مهروس. والطرق دي بناء على تجربة.
عاوزة أعرف طريقة عمل "الإسكراب" وكم مرة أستخدمه؟!
أولاً: "الإسكراب" بيشد البشرة وبينعم الجلد ويؤدي إلى انكماش المسامات الواسعة وبيوحّد لون البشرة والجسم والبشرة ويستخدم للبشرة الحساسة والدهنية مرة كل اسبوعين والبشرة الجافة مرة كل أسبوع، وأنصح قبل "الإسكراب" بإننا نعمل حمام بخار.
والطريقة: هاضع كل المقادير دي مع بعضها بكميات مناسبة لحد ما يكون الخليط متجانس وثقيل علشان يكون مناسب لفركه على الوجه بطريقة دائرية؛ لأن أهم حاجة في "الإسكراب" إنه يكون مناسب للفرك.
وما هي طريقة عمل "حمام البخار" في البيت؟!
نجيب حلة بها ماء ونغليها على النار وبالنسبة للبشرة الجافة نضع (كاموميل) أو (لافندر) أما البشرة الدهنية نضع فيها (قشر برتقال) ونعرّض الوجه للبخار ونضع فوطة على الشعر علشان البخار كله يتركز على منطقة الوجه وده لمدة عشر دقائق.
لكن إحنا سمعنا عن "الإسكراب" بإنه مالوش نتيجة على البقع الغامقة هل ده صحيح؟!
هو فعلاً المناطق السمراء في الوجه بتحتاج ترطيب وماسكات طبيعية أفضل من "الإسكراب" وأنصح البنات بعدم الضغط على المناطق السمراء أكثر من اللازم من خلال "الإسكراب" لأنها تزيد الاسمرار فلازم البنت تكون حريصة وتعالج المناطق السمراء بطرق تفتيح وماسكات طبيعية في الأول وبعدين تستخدم "الإسكراب".
البنات دلوقتي ما عندهاش ثقة في الماسكات الطبيعية وزهقت من الأنواع الكثيرة اللي بتسمع عنها تعمل إيه؟!
أنا بانصح كل البنات إنهم ما يحيروش نفسهم لأن فيه حاجات أساسية لو عملوها هتجيب نتيجة بسرعة وموجودة في كل بيت ومش محتاجة تروحي لعطار أو طبيب ماسكات وأكثر البشرات التي تعاني من المشاكل هي البشرة الدهنية وفيه طرق بسيطة وسهلة للتعامل معها زي مثلاً زبادي ونمرره على الوجه، وكمان فيه اللبن نمرره بقطنة وده بيساعد على تفتيح البشرة، وفيه كمان النشا مع بياض البيض ولكن أدفّيهم على النار شوية وده بيساعد على شد الوجه، وفيه كمان زبادي مع عسل مع خميرة بيرة وده بيساعد على إزالة الجلد الميت.
وفيه طريقة مذهلة وبسيطة جداً وهي الليمون فقط بيفتح البشرة ويزيل الحبوب.
كمان بانصح أي بنت إنها تبعد عن "كريمات التفتيح" حتى ولو كان نوعها عالمي؛ لأنها بتضر البشرة وأحسن حاجة لتفتيح البشرة هي استخدام حاجات بسيطة زي الي قولنا عليها..
ليه البشرة الدهنية بتقشر وتتقشف؟!
ده بيكون سببه نقص مياه وما فيهاش ترطيب وعلاجها شرب مياه وعصائر واستخدام كريم ترطيب طبيعي مكون من (زيت زيتون + زيت لوز) والماسك ده كمان مناسب للبشرة الجافة؛ لأنها هي كمان محتاجة ترطيب.
إزاي أحط الماسكات بطريقة تستفيد منها البشرة؟ !
لكل منطقة مسامات خاصة بها وعلشان كده لازم نحط الماسك بطريقة سليمة..
أولاً: منطقة الخدود بحركة دائرية لفوق.
ثانياً: منطقة القورة من بداية الحاجب وبحركة دائرية للخارج يعني من نصف الحواجب.
ثالثاً: بالنسبة للأنف من فوق لتحت بحركة دائرية.
رابعاً: بالنسبة للرقبة من تحت لفوق بحركة دائرية.
خامساً: بالنسبة للذقن من نصف الذقن لبره وكده أكون مشيت مع خطوط مسامات الوجه بطريقة سليمة.
وهل فعلاً طريقة وضع كريم الأساس تختلف عن الماسك؟ !
هي بتختلف شوية وبتكون بالطريقة دي: بالأصبع الأوسط من جوه لبره في منطقة العين؛ لأن جلدها حساس وبالنسبة للرقبة من فوق لتحت علشان نقلل التجاعيد لكن الماسكات على العكس من تحت لفوق علشان تأخذ عناية أكثر.
يا رب يعجبكم وتستفادو بقي عيني طلعت فيهم والله اهئ اهئ اهئ manmona
تم التعديل فى التوبينك الصور غير مناسبة للموضوع ومتكررة تم حذفهااا وتم حذف الجزء الخاص بالمكياج لان يوجد دورات تدريبة موجودة ثلاثة اجزاء شاملة كل حاجة خاصة بالميك اب ودة لينك للدورات الدرس الاول لدورات تعليم الميك اب ودة لينك لقوانين القسم برجاء مراجعتها قبل تنزيل اى توبينك قوانين قسم البيت والاسرة منعاا لخذف التوبيكات مع تحياتى سندريلا
عدل سابقا من قبل cinderella في الإثنين أكتوبر 26, 2009 3:00 pm عدل 8 مرات (السبب : تم التعديل بواسطة مشرفة القسم سندريلا)
star times šŧдя Ŧΐмэš
المشاركات : 6828 01/09/1990العمر : 33 WWW.ShAbAb51.Yoo7.COM طالب 16عدد النقاط : 18929سجل في يوم : 13/11/2008 شًِْـِِّغًـِِّآل شًِْـِِّغًـِِّل عًٍـِِّآلـِِّيَ آوٍيَ: (100/100)
موضوع: رد: كريمات طبية بوصفات طبيعية الأحد أكتوبر 25, 2009 10:01 pm
موضوع: رد: كريمات طبية بوصفات طبيعية الإثنين أكتوبر 26, 2009 2:03 pm
ميرسى منمونة على التوبينك الرائع دة
MaNmOnA عضو متألق
المشاركات : 439 01/08/1990العمر : 33 http://shabab51111.yoo7.com طالبه 20عدد النقاط : 525سجل في يوم : 14/10/2009
موضوع: رد: كريمات طبية بوصفات طبيعية الإثنين أكتوبر 26, 2009 6:40 pm
مشكورين كلكم على ردودكم الحلوه دى ويارب يكون التوبيك نال اعجابكم وميرسى سندريلا واحترم طبعا الجديه فى اشرافك فى القسم وبلنسبه للصور انا عارفا ان هيا مش مع الموضوع بد دى شكل نهائى يعنى زى مايكون مثال مش خطوات الموضوع يعنى شكل نهائى وفى حاجه فى القوانين الى انتى عاملاها انا اعترض عليها الى هيه لكل عضو يعمل توبيك واحد فى اليوم ليه طالاما العضو قادر على انو يعمل اثنين وثلاثة طالاما فى جديد عندو انا مشرفه فى اكبر منتدى فى مصرتقريبا ومعندناش القانون دا حقيقى اول مره اشوفة وفى النهاية دا القسم بتاعك واحترم وجهة نظرك اكيد وميرسى ليكوا مره تانيه تحياتى MaNmOnA
موضوع: رد: كريمات طبية بوصفات طبيعية الإثنين أكتوبر 26, 2009 7:14 pm
منمونة وجة نظرك طبعا انا احترمها جداا بس فى حاجة انا عايزة اوضحهاا ليكى القانون دة موجود بس فى المنتديات المنظمة واللى بيتكون ليها قانون بيحترم وبتكون مشهورة وليها نسبة عالية فى الزوار والاعضاء كمان او بيكون قانون فى شكل ثانى بس يعتبر نفس المعنى وبيكون بيمز المنتدى الكبير انة قبل ما يتم عرض التوبينك يتم مراجعتة من قبل المشرف المسؤل عن القسم يحذف او يعدل دة غير انة ممكن يتاخر كمان فى العرض لو سبنها زى انتى ما بتقولى كل عضو قادر انة يعمل اثنين وثلاثة او حتى الاربعة لا يمكن يكون فى مشرف مسؤل عن القسم وبيتابع القسم ولية قواعد منظمة وشغل القسم بتاعة لا يمكن يكون منظم ومميز عن باقى الاقسام بيكون فى هرجلة وعدم نظام وشغل مش كويس دة غير ان لو كل عضو نزل اكتر من موضوع كدة بقى مش هيكون فى مجال للباقى يشارك ولا حتى الشغل يطلع مميز بيكون مجرد قص ولصق من منتديات فى ثانية بس يعنى اى حد ممكن بسهولة يعمل كدة اذاا الموضوع مش موضوع قادر او غير قادر دة غير انة هيكون اخد القسم احتكار لية بس والادارة وافقت على الشروط والقوانين اللى انا نزلتها المشرف بيكون وظفيتة انة يتابع الشغل اللى بيكون فى القسم الخاص بية وينظمة باسلوب مميز ومنظم وبيكون حاد فى القاونين دة مش علشان هو صعب لا علشان هو منظم ومميز وكلة بيرفع من شكل المنتدى وبيمزة نورتى القسم بتاعى منمونا ميرسى ليكى
MaNmOnA عضو متألق
المشاركات : 439 01/08/1990العمر : 33 http://shabab51111.yoo7.com طالبه 20عدد النقاط : 525سجل في يوم : 14/10/2009
موضوع: رد: كريمات طبية بوصفات طبيعية الإثنين أكتوبر 26, 2009 7:22 pm
اوكى احترم وجهه نظرك بس فيه منتديات اكثر نظاما طبعا واكثر شوهره وبتكون متابعه جداللمواضيع والحكايه عندهم مش حكايه قص ولصق ولا حاجه بلعكس منتديات محترمه ولها اسمها ومواضيعها مبتكره من اعضائها لو قولتى اسم المنتدى لاى واحد فى مصر يعرفها طبعا والاداره عارفه انا ايه قصدى انتى غلطى فينا كدا بس مش مشكله ولا يهمك وانا مبقولش غيرى ولا حاجه انا عنت بعرض وجهه نظر وانتى رفضتى وانا احترم وجهت نظرك ووجهت نظر ادارة المنتدى شكرا
موضوع: رد: كريمات طبية بوصفات طبيعية الإثنين أكتوبر 26, 2009 7:29 pm
لا منمونا انا مغلطتش فيكى ولا فى منتداكى انا لما قولت قص و لصق انا بتكلم عن نقطة ان العضو بيكون قادر فحبيت اوضح ليكى بس ان مش دة اللى خلينى احط القانون دة بس دة توضيح ان اى حد بيكون قادر انة يعملها توضيح ليكى مش اكتر لكن اكيد انتى منتداكى مشهور وشغلة كويس جداا بلعكس منمونا المفروض انا اللى ازعل لان قولتلى ان فى المنتديات الكبيرة والمشهورة مفيهاش القانون دة المنتدى بتاعنا هنا لسة جديد يعنى اقل من سنة بس بنحاول اننا نرفع منة والحمد لله الى حد ا ما المنتدى يعتبر شغال ولية اعضاء وزوار كتير برضة انا احترمت وجة نظرك ومرفضتها انا وضحت ليكى اسباب انى اعملها
lovelygirl ( عضو مميز)
المشاركات : 767 02/02/1988العمر : 36 طالبة 9عدد النقاط : 957سجل في يوم : 01/03/2009
موضوع: رد: كريمات طبية بوصفات طبيعية الإثنين أكتوبر 26, 2009 8:02 pm
اولا شكرا مانمونا على التوبيك ثانيا انا مش عاوزة المواضيع تكبر وانتى يمكن لسا جديدة فى المنتدى وبكرة تتعودى علينا وانتى بتعملى شغل كويس على فكرة وانا مقدرة مجهودك بس على فكرة انا شايفة ان اكتر واحدة مجتهدة فى المنتدى هى سندريللا وعلى فكرة هى صديقة ليا بس انا مش بقول كدة علشان هى صديقتى وغيرها كمان من الاعضاء كويسين جدا بس انا ذكرتها هى بالذات علشان الموضوع يخصها ويخص قسمها وهى بمجهودها خلت قسمها قسم مميز وعلى فكرة ده مش مدح فى سندريللا دى الحقيقة ولو سالتى ادمن واستار تايمز هيقولولك نفس الكلام وارجو ان كلامى ميكونش ضايقك يا رب شكراااااااااااا
soma ( عضو مميز)
المشاركات : 263 02/08/1991العمر : 32 طالبه 23عدد النقاط : 301سجل في يوم : 14/09/2009
موضوع: رد: كريمات طبية بوصفات طبيعية الإثنين أكتوبر 26, 2009 9:51 pm
اولا منمونه مشكوره على موضوعك جدا جدا ثانيا ليه يا منمونه عملتى فرق بين المنتدى بتاعنا ومنتداكى عرب ليونز اكيد منتدى معروف واحنا برده بنحاول ان نطور من منتدانا يعنى نوصل حتى لنصف عرب ليونز منتداكى وعايزين مجهودك معانا طبعا ورايك فمتزعليش من حد سندريلا مكانش اكيد قصدها انها تغلط فى منتداكى ولا حاجه انتى عضوه عندك خبره كبيره فى المنتديات واكيد احنا محتاجينك معانا ومحتاجين افكار منك ةابتكارات حصريه لنا وارجو انك متزعليش مننا يا منمونه وعلى فكره يا جماعه منمونه دى صحبتى انا ونغم ومشكوره ليكى مره تانيه على الموضوع الجامد دا
Admin
ŁőяĐ ŏƒ мσνίёş
المشاركات : 4141 10/05/1989العمر : 34 http://shabab51111.yoo7.com 9عدد النقاط : 16868سجل في يوم : 09/05/2008 شًِْـِِّغًـِِّآل شًِْـِِّغًـِِّل عًٍـِِّآلـِِّيَ آوٍيَ: (100/100)
موضوع: رد: كريمات طبية بوصفات طبيعية الثلاثاء أكتوبر 27, 2009 8:10 pm