حبيت ان عيد الام وتكريم الام ميعديش من غير ما نهدى لكل ام اجمل وردة لانها تستاهل اكتر من كدة بكتير
بسم الله الرحمن الرحيم
************************
اخباركم ايه يا جماعه يارب تكونوا بخير
دايما بقول ان كلمه الحب دى
مش مجرد كلمه بتتقال بين حبيب وحبيبه بس
لكن كلمه الحب دى يعنى اى حاجه حلوه انت ممكن تحسها
واوفى واصدق حب ممكن الانسان يشوفه فى حياته
هو حب الام
مهما اتكلمنا عن حب الام وعن حبنا لامهامتنا مش هنعرف نعبر
كلمه بحبك يا امى مع انها اصدق كلمه
بس دايما هنحس انها مش بتعبر عن كل اللى جوانا
لان احيانا الكلام مش بيعبر عن اللى جوا القلب
انا مش جاى يا جماعه النهارده ادى دروس عن الام ولا عن حبنا لامنا
بس انا جاى النهارده عشان اقول
كل سنه وكل ام بخير وطيبه وصحه وسلامه
كل سنه وكل ام راضيه عن اولادها
كل سنه وكل ام فرحانه وسعيده
كل سنه وكل ام طيبه
********************
السنه دى ممكن تعدى على امهات كتيره وابنها مش فى حضنها
السنه دى راح مننا شهداء امهاتهم هتموت من الحزن عليهم
تفتكروا كام ام ابنها فى الايام دى كان بيجبلها هديه
كام ام من امهات الشهداء ممكن تحتفل وابنها مش فى حضنها
على اد ما انا نفسى افرح واقول بحبك يا امى بصوت عالى
الا انى حاسس ان اخويا مات وامه زعلانه عليه وحاسه انها بقت وحيده
ربنا يصبركوا يارب
*****************
بس مش عاوز برده اقلب التوبك لحزن
وعاوز اشكر كل الامهات على تربيتها وعلى تعبها وعلى مجهودها
نفسى كل ابن يعوض امه عن سنين تعب وشقى
نفسى كل ابن يكون مخلى امه راضيه عنه
********************************
بجد بحبك يا امى .. بجد نفسى اعوضك عن اى تعب ممكن تكونى شوفتيه
بجد نفسى اخليكى تفتخرى بيا
نفسى ارفع راسك فى السما ويقولوا انك عرفتى تربينى
*********************
بجد نفسى فى التوبك ده كل واحد يدخل يقول لامه اللى نفسه فيه كله
اللى زعلان يقول انا زعلان منك
واللى فرحان يقول انا فرحان منك
واللى نفسه يرد الجميل يقول
واللى بيتمنى حاجه من ربنا يقول
التوبك ده انا نفسى يكون حاجه كده للذكرى بينا وبين نفنا على الاقل نقول فيه كل اللى ممكن نقوله عشان خاطر امهاتنا
*****************************
ملحوظه :
ممكن تلاقوا كلامى مش مترتب
كلام مش منسق
كلام مش متساوى
مع انى مش بحب كده وبحب ادقق فى كل حرف وكل نقطه انا بقولها
الا انى والله بكلم كلام من القلب
وبعد ما كنت محضر كلام كتير كله ضاع منى وطار فى الهوا
فبقيت بكتب وخلاص
سامحونى وانا اسف بجد لو كان توبك فى متاسبه زى دى
كان المفروض يطلع بشكل احلى من كده
الجمعة مارس 25, 2011 2:47 pm
