محشش راح يستقبل ابوه فى المطار وهوه جاى من السفر

ولما رجع لقى ابنه مستنيه فى المطار

الاب: ايه احوال البيت وانا مش موجود.. حصل حاجه وحشه

الابن: لا كل حاجه ميه ميه متقلقش هو حصل حاجه بسيطه بس

الاب: ايه حصل ايه

الابن: عصايه المكنسة اتكسرت

الاب: بس كده ولايهمك بس ايه كسرها

الابن: انت عارف ان البقرة لووقعت على حاجه بتكسرها

الاب: انت تقصد بقرتنا

الابن: اه

الاب: ايه اللى حصل

الابن: كانت بتهرب وهيه خايفه فوقعت على عصاية المكنسة كسرتها

الاب: المهم البقرة حصلها حاجة

الابن: لامفيش حاجة ماتت

الاب: يا لهووووووى ماتت وهى كانت بتجرى خايفة من ايه

الابن: لادى كانت بتهرب من الحريقه

الاب: حريقه!! حريقه ايه؟؟

الابن: لا مفيش اصل بـتـنـا اتحرق

الاب: اتحرق يالهووووى من ايه

الابن:اخويا الكبير الله يرحمه

الاب: ايه اخوك مات ازااااااى ؟؟

الابن: ايوه مات كان بيشرب سيجارة وقعت حرقت البيت وهو جواه

الاب: يالهووووى اخوك بقى بيشرب سجاير

الابن: هو كان بيشرب سجاير علشان ينسه حزنه

الاب: حزنه على ايه

الابن: على امى الله يرحمها

الاب: هيا امك كمان ماتت

فراح الاب ميت من غباء ابنه

الابن: بابا متعملش فى نفسك كده فداك الف مكنسة

هههههههههههههههههههههههههههه

هههههههههههه
حلوة اوى يا يويو تسلم ايديكى 

ههههههههههههه
ايه الواد دا
يخربيت اهلوا
بس والله عاجبنى بروده دا
الواحد لو كان كدا كان هيبقة مية مية

هههههههههههههههههههههههههههههههههههههههههههههههههههه
مرسي علي التوبينك