ساعات كثير بنشوف مظاهر سلبية ناس كثير من حولنا بيعملوها...
و من كثرة الغلط: من غش... لتقليد أعمي... لاستهتار... لكذب...لفقدان شخصية...
بيظن الانسان انه غلط وان الناس كله صح... و بيبدأ يندرج في الغلط ده بحجة هي جت عليا أنا!!! ما الناس كلها بتعمل كده!!!
عارفين يا جماعة الانسان سُمي انسان لأن كلمة انسان مأخوذة من الأُنس... فالانسان بيتونس بكل من حوله من ناس و من أفعال... سواء كانت هذه الأفعال طاعة أو معصية...
اوعي تخالف الملك لأن الناس كلها بتعمل كده... اوعي تخالف الله و رسوله عشان انت واحد وهم كثرة...
اوعي تعمل حساب للمخلوق التراب الضعيف ... و تنسي الخالق الرقيب
فاكرين الخالق ماذا قال عن الأفعال الخاطئة للكثرة:
" لكن أكثرهم لا يعلمون"
" لكن أكثرهم يجهلون"...
اوعي تقول هي جت عليا أنا !!! ما الناس كلها بتعمل كده!!!
لكن قول
هي جت عليا أ،ا!!! و مش حعمل اللي الناس بتعمله!!!
قال رسول الله صلي الله عليه وسلم:
" لا يكن أحدكم امعة... ان أحسنوا أحسنت .. و ان أساءوا أساءت... و لكن وطنوا أنفسكم... أن أحسنوا أحسنت......."
من أكثر المظاهر السلبية المنتشرة:
الغش: سواء الغش في المتحانات أو الغ في الموازين أو الغش في العمل أو في أي شئ في حياتنا...عارفين ليه الغش حرام... و ان بعض العلماء اعتبره من الكبائر:
1- لأنه مخالفة لأوامر الله تعالي الذي أمرنا بطاعة أولي الأمر
" و أطيعوا الله و الرسول و أولي الأمر منكم"
2- لأنك تخاف الناس ولا تخاف الملك الرقيب
" وتخشي الناس و الله أحق أن تخشاه"
3- لأنك فاكر كده انك بتيسر لرزقك ونسيت ان رزقك بيد الله...
انت عارف لو اتقيت الله في عملك و مقولتش هي جت عليا انا والله ربنا سيعود عليك بسعة في الرزق... لأنك أطاعته...
اياك والغش اياك و " هي جت عليا أنا!!! "
اوعي تكون جندي من جنود الشيطان يوسوس لك و يخليك تعيش بالأسلوب ده...
اقهره وتذكر قول رسول الله
" من غشنا فليس منا"
تذكر يوم لقاءك بحبيك المصطفي يوم الحساب....و انت رايح تشرب من الحوض
افتكر لو كنت ماشي
مع تيار " هي جت عليا أنا !!! " ربنا حيقول لسيدنا محمد " أنت لا تدري ماذا أحدثوا من بعدك "...
هل ترضي انك تُحرم من الشرب من يديه الكريمتين!!!!!
ارجوكم يا جماعة اياكم والغش ... اياكم و " هي جت عليا أنا"...
خلينا... " أيوة هي جت عليا أنا"...
السبت فبراير 06, 2010 8:31 pm
