بسم الله الرحمن الرحيم
عنوان الموضوع غريب ويمكن جديد
ايه علاقة سيدنا محمد عليه افضل الصلاة والسلام (ع.د)
ايه علاقة افضل الخلق ونبي الامه الاسلاميه بفرد تابع لأمته
الرد على السؤال في الطريق اهه
من حوالي سنه طلع علينا(ت.ح) وقال انه احسن من (ع.د)
قامت الدنيا على(ت.ح)ومقعدتش لحد دلوقتي وموقع(ت.ح)الرسمي اتسرق
واتعمل موقع لكارهين (ت.ح)ياسلام ياجدعان
دا كله عشان قال انه احسن من (ع.د)
طيب يا جماعه يامسلمين
ياللي بتحبوا (ع.د) وياللي بتحبوا (ت.ح)
ياللي ماسكني في تفاهات ملهاش لزمه
اللي احسن من دول بيتشتم وبيتشوه صورته ومحدش عمل حاجه
اول امبارح كان كاتب دينيماركي وامبارح كاتبه مصريه والنهارده كاتب امريكي هايطلع كتاب ويوزعه ببلاش
عشان الكتابه ده كله مسئ لسيدنا محمد استغفر الله العظيم
ايه ياجدعان هو احنا ماينفعش نقاطع المنتجات الامريكيه عشان خاطر تنصر حبيبك سيدنا محمد ولا
كل واحد بقى بيحب (ع.د) و(ت.ح)والمغنين اكتر من المصطفى عليه الصلاة والسلام
ياجماعه نفوق بقى سيدنا محمد بيتشتم بس دا كله بسببنا لأننا احنا اللي ساكتين واحنا اللي متهاونين في حق اعظم الخلق
وان معرفتوش تعملوا ولو حتى مظاهره او حتى تقاطعوا منتجاتهم يبقى استغفروا ربنا وادعوا له يغفرلنا ويغفرلكم
وبعدين مش مكسوفين من نفسكم بقى سيدنا محمد عليه الصلاة والسلام افتخر بينا واحنا بنتخلى عنه
والدليل على انه افتخر بينا وقال اننا اخوانه الحديث دا
في البخاري أن رسول الله صلى الله عليه وسلم أتى المقبرة فقال السلام عليكم دار قوم مؤمنين وإنا إن شاء الله بكم لاحقون وددت أنا قد رأينا إخواننا ,, قالوا
اولسنا إخوانك يا رسول الله ؟ قال انتم أصحابي وإخواننا الذين لم يأتوا بعد .
فقالوا كيف تعرف الذين لم يأتوا بعد من أمتك يا رسول الله ؟فقال :أرأيت لو أن رجل له خيل غر محجلة بين ظهر خيل دهم بهم هل يعرف خيله ؟؟
قالوا بلى يا رسول الله .قال فإنهم يأتون غراً محجلين من الوضوء وأنا فرطهم على الحوض ....)).
ياجماعه ... هل سيدنا محمد مايستحقش اننا نعمل حاجه علشانه في مجالنا على الاقل واللي هو الانترنت
واكيد كل واحد عارف مواقع كتير ياريت ينشر فيها الموضوع دا عشان الناس كلها تعرف ايه اللي بيحصل وتكون واعيه
الامه الاسلاميه كبيره ولازم يكون لينا صوت ان شاء الله ولو حتى على الانترنت
الأربعاء فبراير 10, 2010 9:19 pm
